क्रिकेट टिमलाई ओलीको हौसला– नेपाल फर्किएपछि सँगै खाना खाने गरी भेटौँला

355 Shares

काठमाडौं । नेकपा (एमाले)का अध्यक्ष केपी शर्मा ओलीले नेपाल र नेदरल्यान्ड्सबीचको क्रिकेट खेल आफूले ‘लाइभ’ हेरेको बताएका छन् । शनिबार भएको उक्त खेलमा नेदरल्यान्ड्स ७ विकेटले विजयी भएको थियो । त्योसँगै आईसीसी क्रिकेट विश्वकप छनोटको ‘सुपर सिक्स’मा प्रवेश गर्ने नेपालको सम्भावना समाप्त भएको छ ।

अध्यक्ष ओलीले आइतबार बिहान सामाजिक सञ्जालमार्फत कहिलेकाहीँ मिहिनेतका बाबजुद पनि परिणाम प्राप्त हुन नसक्ने उल्लेख गरेका छन् । ‘यात्रा जारी छ’ शीर्षकमा उनले यसबाट निराश हुन नहुनेमा जोड दिएका छन् ।

परिणाम अपेक्षकृत नभए पनि मिहिनेत कमजोर नभएको भन्दै उनले नेपाली क्रिकेट टिमलाई धन्यवाद दिएका छन् ।

टिम नेपाल फर्किएपछि सँगै खाना खाने गरी भेटौँला भन्दै उनले एउटा असफलता यात्राको अन्त्य नभएको बताएका छन् ।

सम्बन्धित समाचार