पर्यटक कुर्दै विरेञ्चोककाे ‘होम स्टे’ !

शहरी क्षेत्रमा भएका होटल, लजहरुमा भन्दा सस्तो मुल्यमा पारिवारिक वातावरणमा आत्मीयतासहित खानेकुरामा लोकल परिकारको स्वाद लिँदै त्यहाँका साँस्कृतिक झलकहरु हेरेर मज्जा लिन पाइने भएकाले पछिल्लो समय झनै ग्रामिण भेगका ‘होम स्टे’हरूमा आकर्षण बढ्दै जान थालेको छ ।

यहाँ जाने पाहुनाहरुले कुखुराको मासु सहितको अग्र्यानिक खानाका परिकारहरू खाँदै कौडा, चुड्का, पाङ्दुरे र मारुनी नाच, घाटु, भजन लगायतका सँस्कृतिमा झुम्दै मज्जा लिन पाउँछन् । 

कत्तिको महङ्गो हुन्छ 'होम स्टे' ?

शहर बजारका होटल लजहरूका तुलनामा होम स्टे अत्यन्तै सस्तो हुने विरेञ्चोकस्थित सामुदायिक 'होम स्टेकी' सदस्य कमला रानामगरले बताइन् ।

उनका अनुसा ‘होम स्टे’मा बस्न जाने पाहुनाहरूलाई लोकल कुखुराको मासुसहितको खाना, एक रातको बास, भोलिपल्ट विहानको खाजा-नास्ता र खानासहितको प्याकेज तयार पारिएको छ । 

यहाँ पाहुना बन्न जाने गोरखा नगरपालिकाभित्रका बासिन्दालाई ७ सय ५० रुपैँया र अन्य ठाउँबाट आएकाहरुलाई १ हजार रुपैयाँको प्याकेज पर्ने गरेको छ भने यहाँको सांस्कृतिक कार्यक्रम अवलोकन गर्न चाहानेहरुले अतिरिक्त ५ हजार रुपैँया शुल्क तिर्नु पर्नेछ ।