410
Shares
लमजुङ। लमजुङमा आफ्नै छोराको छुरा प्रहारबाट बाबुको मृत्यु भएको छ।
जिल्लाको क्व्होलासोथार गाउँपालिका-९ टक्सार बस्ने ६० वर्षीय दिल बहादुर बिकको धारिलो छुरा प्रहारबाट मृत्यु भएको हो ।
घलेका अनुसार २८ वर्षीय छोरा सुजन बिकसँग दाह्री काट्ने जिलेट मेसिन नदिएको विषयलाई लिएर भएको झगडामा सुजनले आफ्नै बाबुमाथि छुरा प्रहार गरेका थिए। घटनाको सूचना लगत्तै प्रहरी चौकी गिलुङबाट खटिएको प्रहरीको टोलीले सुजनलाई असोज १६ गते पक्राउ गरेको थियो।
हाल जिल्ला प्रहरी कार्यालय लमजुङको नियन्त्रणमा रहेका छोरा सुजनमाथि आवश्यक अनुसन्धान भइरहेको प्रवक्ता घलेले गण्डक न्युजसँग भने ।
